Tədbirdə Fransanın Azərbaycandakı səfiri Oreliya Buşez,
"Renault” komandasının direktoru Frederik Vasör, Azərbaycanın Fransadakı
fövqəladə və səlahiyyətli səfiri Elçin Əmirbəyov, Renault komandasının digər
rəsmiləri və media nümayəndələri iştirak ediblər.
Tədbiri giriş sözü ilə açan xanım səfir "Formula 1”
yarışlarının Azərbaycanda keçirilməsindən məmnun olduğunu bildirib. Daha sonra Fransanın Azərbaycandakı
səfiri Oreliya Buşez jurnalistlərə açıqlama verdi. O belə bir tədbirin
səfirlikdə keçirilməsindən şad olduğunu söylədi: "Bugünkü tədbirdə həm
siyasi elita, həm də idman nümayəndələrini səfirliyinin iqamətgahında görməkdən
məmnun oldum. Belə bir tədbiri keçirməklə Fransanın nüfuzunu göstərməyə
çalışırıq. Tədbirin əsas məqsədi "Formula 1” yarışlarının Azərbaycanda
keçirilməsi ilə əlaqədardır. Qeyd etmək istərdim ki, qonaqlar arasında
"Renault” komandasının direktoru Frederik Vasör də var. "Renault”
komandası hazırda yeni texnologiyalar üzərində işləyir. Buna misal olaraq
elektrik mühərriklərini göstərmək olar”.
"Renault” komandasının direktoru Frederik Vasör də
"Formula 1” yarışlarının Azərbaycanda keçirilməsi ilə əlaqədar
jurnalistlərin suallarını cavablandırdı: "Formula 1” yarışları üçün Bakıda
çəkilən yol çox gözəldir. Çünki bu, şəhər daxilində təşkil edilib. Həmçinin
əlavə etmək istərdim ki, burada sürət həddi çox yüksəkdir. Nəzərə almaq
lazımdır ki, yollarda müəyyən döngələr var. Şəhər daxilində təşkil oldunduğu
üçün daha diqqətli və dəqiq olmaq lazımdır”. "Renault” komandasına
gəldikdə isə, komandamız yeni qurulur və bizim də müəyyən ambisiyalarımız var.
Bu məqsədlərimiz də 2-3 ildən sonra həyata keçiriləcək”, – deyə direktor əlavə
edib.
Tədbirdə Fransa Milli
Assambleyasının deputatı, Fransada Azərbaycanın Dostları Assosiasiyasının
prezidenti Jan-Fransua Mansel də iştirak edib. Jan Fransua Mansel Formula-1
Avropa Qran-pri yarışının Bakıda yüksək səviyyədə keçirildiyini vurğulayıb, bu
cür beynəlxalq tədbirlərin təşkil edilməsində Azərbaycanın zəngin təcrübəyə
malik olduğunu xüsusi qeyd edib.
Tədbirdə
iştirak edən "Azərbaycanım” Beynəlxalq Jurnalının baş redaktoru Emil Nəsirli ölkələrimiz
arasında ikitərəfli münasibətlərin yüksək səviyyədə olduğunu vurğulayaraq bu
əməkdaşlığın Fransa-Azərbaycan münasibətlərinin genişləndirilməsindəki müsbət
rolundan geniş söhbət açıb, ölkələrimizin müxtəlif istiqamətlərdə, o cümlədən
iqtisadi, enerji, nəqliyyat, yüksək texnologiyalar, ticarət, təhsil və digər
sahələrdə uğurlu əməkdaşlıq etdiyini diqqətə çatdırıb. Dövlətlərarası
əlaqələrin səviyyəsinin razılıq doğurduğunu deyən Emil Nəsirli bildirib ki,
indi əsas vəzifə Fransa ictimaiyyətini Azərbaycan reallıqları, ölkəmizdə gedən
inkişaf prosesləri ilə bağlı daha geniş məlumatlarla tanış etməkdir.
J.Fransua
Mansel nümayəndə heyəti üzvlərinin Azərbaycana ilk dəfə səfər etdiklərini
deyib. O, heyət üzvlərinin Azərbaycanla bağlı xoşa gəlməyən təşəbbüslərin
qarşısını almaq üçün Milli Assambleyada səfərbər olduqlarını və artıq onların
Azərbaycana olan dostluq hisslərini sübuta yetirdiklərini vurğulayıb.
Tədbirdə
"Azərbaycanım” Beynəlxalq Jurnalının baş redaktoru Emil Nəsirli Jurnalın
Redaksiya Şurasının qərarı ilə Jan Fransua Manselin "Azərbaycanım” Beynəlxalq
Jurnalının Fəxri üzvü seçildiyini bildirib və Fəxri üzvlük sertifikatını
J.Fransua Manselə təqdim edib.
"Xəbərlər” redaksiyası
"Azərbaycanım”
" alt="" border="0" style="float: left; margin: 0px; width: 300px; height: 300px;" />
